У Мінску высвятляюць прычыну ўзнікнення пажару ў жылым доме на Кальварыйскай

10 Чэрвеня 2019

У Мінску высвятляюць прычыну ўзнікнення пажару на балконе ў жылым доме на Кальварыйскай. Паведамленне аб узгаранні на сёмым паверсе паступіла ратавальнікам сёння раніцай. Калі яны прыбылі на месца, балкон поўнасцю быў ахоплены полымем, агонь перакінуўся і на кухню. На месцы працавала 9 адзінак тэхнікі, з іх дзве - аўталесвіцы. Узгаранне аператыўна ліквідавана.