Сёння раніцай стала вядома пра затрыманне саўладальніка двух сталічных бараў. Гэтую інфармацыю нам афіцыйна пацвердзілі ў Следчым камітэце. 32-гадовага мужчыну падазраюць у гандлі наркотыкамі. У яго канфіскавалі каля ста грамаў мефедрону. Як паведамляюць у ГУУС, узялі мужчыну амаль на месцы злачынства - у той момант ён спрабаваў пакласці тавар у схованку. Пры гэтым падазроны спрабаваў пазбавіцца ад доказаў і выкінуць скрутак. Затым міліцыі атрымалася высветліць месцы яшчэ 27 закладак. Хімічная экспертыза пацвердзіла, што парашок белага колеру змяшчае асабліва небяспечнае псіхатропнае рэчыва.
Алена Свірыдава, афіцыйны прадстаўнік Цэнтральнага РУУС г. Мінска: "Пры правядзенні вобыску па месцы жыхарства затрыманага аператыўнікамі былі выяўленыя і канфіскаваныя палімерныя пакеты, ізастужка шэрага і чорнага колеру, магніты, а таксама электронныя шалі. Вядома, што затрыманы працаваў на інтэрнэт-магазін па продажы наркатычных сродкаў, які знаходзіўся ў Расійскай Федэрацыі".
Заведзена крымінальная справа. Затрыманаму пагражае да пятнаццаці гадоў турмы з канфіскацыяй маёмасці.
