У Мінску пад колы аўто трапіла 13-гадовая дзяўчынка

Яна пераходзіла дарогу не па пешаходным пераходзе. Аўтамабіль "рэно" рухаўся з боку Раманаўскай Слабады і паварочваў на Нямігу. У гэты момант школьніца вырашыла перайсці дарогу. Як вынік - траўма лёгкай ступені цяжкасці.
Пешаходныя пераходы, зоны каля школ і дзіцячых садкоў былі пад пільнай увагай супрацоўнікаў ДАІ на працягу двух тыдняў. Падчас акцыі "Зробім дарогу бяспечнай" праводзілася праверка на веданне правілаў дарожнага руху. За мінулы год толькі ў Мінску здарылася 64 ДТЗ з удзелам дзяцей. 67 чалавек атрымалі траўмы рознай ступені цяжкасці. А за апошнія два месяцы пад колы аўто трапілі пяць дзяцей. Вадзіцелям варта памятаць, што маленькія пешаходы - непрадказальныя ўдзельнікі дарожнага руху.