У Калінкавіцкім раёне ў лесе знайшлі падпаленую машыну службы таксі

Трагічнае здарэнне ў Калінкавіцкім раёне. У лясным масіве знайшлі падпаленую машыну службы таксі. Пасля ў адной з вёсак раёна знайшлі мёртвым вадзіцеля гэтага аўтамабіля. Падазронага ва ўчыненні злачынства па гарачых слядах затрымалі, паведамляюць ва УУС Гомельскага аблвыканкама. Ім аказаўся непрацуючы жыхар райцэнтра 1993 года нараджэння, раней не судзімы. На месцы злачынства працуе следча-аператыўная група. Высвятляюцца прычыны і акалічнасці здарэння.