У ДТЗ пад Салігорскам загінула жанчына

Вадзіцель рухаўся ў напрамку горада па дарозе Пагост - Салігорск. Перад машынай з боку праезнай часткі з'явіўся пешаход. Мужчына не паспеў затармазіць. Пад колы трапіла 40-гадовая мясцовая жыхарка. Яна не была пазначана святлоадбівальнымі элементамі. У вадзіцеля амаль не было магчымасці пазбегнуць сутыкнення. Як вызначылі следчыя, жанчына знаходзілася ў нецвярозым стане. Ад атрыманых траўмаў яна памерла ў машыне хуткай дапамогі. Інспектары ДАІ раяць пераходзіць дарогу ў добра асветленых месцах і пазначаць сябе флікерамі.