Такім чынам, да пяці вечара абясточанымі застаюцца 85 населеных пунктаў з невялікай колькасцю насельніцтва. Як паведамляе Белэнэрга, у Віцебскай вобласці наступствы ліквідаваны.
Усяго ў краіне працягваюць працаваць 200 аварыйных брыгад. Застаецца выправіць сітуацыю ў Мінскім і Магілёўскім рэгіёне - там большасць пацярпелых вёсак. Лічбы гавораць пра маштабы наступстваў стыхіі: 523 населеныя пункты разбураныя, звыш 600 дамоў - са зламаным дахам.
Пашкоджаны 360 ліній электраперадачы. Другія суткі працуе рэспубліканскі штаб МНС. Сюды сцякаецца найбольш поўная інфармацыя з усёй краіны.
Леанід Дзядуль, начальнік галоўнага ўпраўлення Дзяржаўнай сістэмы папярэджання і ліквідацыі НЗ і ГА МНС Беларусі: "Пытанне знаходзіцца на кантролі ўрада. Мы 4 разы на суткі рыхтуем данясенні аб развіцці сітуацыі з тым, каб прадставіць аб'ектыўную інфармацыю. Сёння быў ажыццёўлены вылет борта авіяцыі МНС сумесна з працаўнікамі Мінлясгаса, Мінэнерга для ацэнкі сітуацыі і ўсталявання рэальных маштабаў пашкоджанняў".
І паводле апошніх звестак, стан хлопчыка, якога ўдарыла маланка ў Рагачоўскім раёне, стабілізаваўся. Дзіця пераведзена з рэанімацыі ў хірургічнае аддзяленне. Зараз яго жыццю нішто не пагражае.
