Пагражаючы муляжом ружжа, мінчанін спрабаваў абрабаваць АЗС

Як паведамляе ГУУС, сёння раніцай на адну з заправак на вуліцы Ціміразева зайшоў мужчына з прадметам, падобным на абрэз і пачаў патрабаваць у аператараў станцыі грошы. Супрацоўнікі не разгубіліся - адзін з іх націснуў на трывожную кнопку. Ужо праз дзве хвіліны да запраўкі прыбылі два нарады дэпартамента аховы. Парушальнік выкінуў зброю і паспрабаваў уцячы, але яго затрымалі. Зламыснікам апынуўся раней не судзімы 40-гадовы мінчанін. Што штурхнула яго на злачынства, разбіраецца аператыўная група - яны зараз працуюць на месцы. Падрабязнасці - у наступных выпусках.