Тралейбус, аўтобус і легкавы аўтамабіль сутыкнуліся ў Мінску

Тралейбус, аўтобус і легкавы аўтамабіль сутыкнуліся ў Мінску на скрыжаванні вуліцы Уманскай і праспекта Дзяржынскага. Грамадскі транспарт рухаўся адзін за адным па другой паласе дарогі ў накірунку праспекта Жукава. Вадзіцель «Фальксвагена» ехаў па першай. Убачыўшы перашкоду - машыну, якая стаяла на праезнай частцы, мужчына рэзка павярнуў на другую паласу і сутыкнуўся з аўтобусам. Тралейбус ехаў услед і таксама не паспеў затармазіць. У выніку ДТЗ невялікія траўмы атрымаў пасажыр тралейбуса.