Як адзначыў намеснік генпракурора Беларусі Аляксей Стук, гэта той хабар, які даказалі падчас расследавання. "Пакуль усталяваны толькі адзін факт". Акрамя таго, прадстаўнік генпракуратуры пракаменціраваў сітуацыю з карупцыйнымі справамі іншых службовых асоб. Затрыманы раней інспектар па Гродзенскай вобласці Сяргей Раўнейка атрымаў хабар за дапамогу ў арганізацыі цыгарэтнага бізнесу. Паводле слоў Аляксея Стука, вялікая колькасць выяўленых злачынстваў напрамую звязана з актыўнай працай праваахоўнікаў, а таксама шматэпізоднымі выпадкамі, калі справы раскрываюцца па ланцужку.
Аляксей Стук, намеснік генеральнага пракурора Беларусі: "Органы пракуратары праводзяць вялікую колькасць праверак, выяўляецца вялікая колькасць адміністрацыйных правапарушэнняў, якія ўплываюць і параджаюць карупцыю. Па гэтым менавіта вось гэты пласт адміністрацыйных правапарушэнняў пры выяўленні нясе прафілактычнае дзеянне з мэтай прадухілення больш цяжкіх злачынстваў. Усталявана, што толькі з пачатку гэтага года ўрон ад карупцыйных злачынстваў перавысіў 8 мільёнаў рублёў".
Акрамя таго, намеснік генпракурора распавёў і аб змяненні ў Крымінальны кодэкс па наркаартыкулах. Генпракуратура ініцыюе зніжэнне ніжніх меж па 2 і 3 частцы артыкула "Незаконны абарот наркотыкаў". Акрамя таго, прапануецца ўдакладніць пералік наркатычных рэчываў, якія могуць сустракацца ў незаконным абароце.
