Пад падазрэннем легальныя паляўнічыя. На ўгаворванні парушальнікаў не паддаліся інспектары ў Клецкім раёне. Двое мужчын забілі казулю, аднак дакументаў на яе здабычу не было. Затрыманыя расказалі, нібы ў гэты дзень палявалі на зайца, а мёртвую жывёліну знайшлі выпадкова ў кустах.
Сляды крыві прывялі абаронцаў флоры і фаўны ў лес Капыльскага раёна. Пад дрэвам яны знайшлі мяшок з мясам дзічыны. Непадалёк знаходзіліся і паляўнічыя. Браканьераў выдалі плямы крыві на вопратцы.
А ў Сенненскім раёне інспектары знайшлі аўтамабіль са стрэльбай і паляўнічымі сабакамі. Праз некалькі хвілін да машыны падышоў уладальнік і растлумачыў, нібы проста гуляў у лесе.
