Аперацыя праходзіла на трасе М1 - недалёка ад Прывольнага. Лічыцца, што за ўзнагароду службовая асоба павінна была дапамагчы прадпрымальніку вырашаць яго пытанні, а менавіта, заплючшваць вочы на нестасоўкі ў суправаджальных дакументах і парушэнні габарытных норм грузавых аўтамабіляў. Такім чынам, пэўныя машыны атрымлівалі імунітэт ад праверак. За гэту паслугу былы начальнік аддзела транспартнай інспекцыі Мінска атрымаў ледзь больш за тысячу долараў. Затрыманы падазроны ў момант атрымання хабару.
Яўген Сачэк, начальнік прэс-службы УУС Мінскай вобласці: "Грошы перадаваліся ў якасці аплаты за заступніцтва за апошні месяц. Меркавалася, што такое супрацоўніцтва можа ісці і далей са штомесячнай аплатай за кожны аўтамабіль".
Аператыўнікі не выключаюць, што гэта затрыманне можа даць старт гучнай карупцыйнай справе, у якой з'явяцца і іншыя фігуранты. Па факце атрымання хабару Следчым камітэтам па Мінскай вобласці ўжо ўзбуджана крымінальная справа.
