Стан пацярпелых падчас выбуху на тэрыторыі былой воінскай часці ў Станькаве ўрачы ацэньваюць як здавальняючы.
Напярэдадні ў Дзяржынскую цэнтральную раённую бальніцу даставілі двух мужчын. У аднаго з пацярпелых урачы дыягнаставалі пералом галёнкі, яму правялі аперацыю. Дыягназ другога - ЧМТ - не пацвердзіўся. Паводле слоў аднаго з мужчын, у памяшканні, дзе здарыўся ўзрыў, знаходзілася прадпрыемства па вытворчасці мыючых сродкаў.
Андрэй Дзянісік, пацярпелы: "Адчуваю сябе адэкватна. Адбылося ў раёне майго працоўнага цэха. Недалёка два суседнія цэхі. Два суседнія цэхі - наш і суседскай фірмы. Я праходзіў па працоўнай неабходнасці і ўбачыў задымленне. Пару метраў прайшоў наперад. У нас там трава расце - раптам загарэлася? Ледзь бліжэй падышоў. У гэты момант адбыўся ўзрыў".
Ігар Шамаль, намеснік галоўнага ўрача Дзяржынскай цэнтральнай раённай бальніцы: "Самаадчуванне агульнае здавальняючае, стан стабільны. Сярэдняй ступені цяжкасці. Іх жыццям нічога не пагражае, праходзяць дынамічнае назіранне. І лячэнне ва ўмовах хірургічнага аддзялення. У другога пацыента ранкі твару і галавы".
У Станькаве на месцы НЗ усё яшчэ працуюць следчыя і супрацоўнікі Камітэта дзяржаўных экспертыз. У найбліжэйшы час будуць праведзеныя хімічная і ўзрыватэхнічная экспертызы. Дакладных прычын здарэння спецыялісты пакуль не называюць.
