Смяротная аварыя на вуліцы Сурганава

9 Снежня 2019
Смяротная аварыя ў сталіцы. Раніцай аўтамабіль збіў пешахода на вуліцы Сурганава. Паводле  інфармацыі МУС, вадзіцель Subaru  ехаў у крайняй левай паласе. У гэты час на дарогу па-за пешаходным пераходам выйшла пенсіянерка. Ударам жанчыну адкінула на іншы аўтамабіль. Ад сур'ёзных траўм яна памерла на месцы. Папярэдне вядома, што абодва вадзіцелі былі цвярозыя. Вядзецца расследаванне.