У Брэсце сёння суд абвясціў прыгавор іншаземцу, які абвінавачваецца ў садзейнічанні пазапраўнай міграцыі. Падданы Вялікабрытаніі афрыканскага паходжання быў затрыманы летам мінулага года ў пункце пропуску "Брэст-Чыгуначны" разам з трыма дарослымі і дзіцём - выхадцамі з Самалі. Пасажыры цягніка накіроўваліся ў Германію. Падчас пашпартнага кантролю на беларуска-польскай мяжы самалійцы прад'явілі падробленыя дакументы. Экспертыза ўстанавіла, што пашпарты належаць іншым людзям - грамадзянам Швецыі. Чужыя дакументы падаў мігрантам англічанін за грашовую ўзнагароду. Суд Ленінскага раёна Брэста прызнаў віну абвінавачанага.
Аляксей Займіст, намеснік транспартнага пракурора г. Брэста: "Была дамоўленасць грамадзян Самалі аб перадачы яму грашовых сродкаў у памеры 6 тысяч еўра за кожны пашпарт. Пашпарт дзіцяці, які ён падшукаў, бонусам ішоў".
Схема незаконнага перасячэння мяжы падданага Вялікабрытаніі правалілася. У выніку замест грашовай узнагароды ён атрымаў турэмны тэрмін. Прыгавор яшчэ не ўступіў у законную сілу і можа быць абскарджаны.
