Сур'ёзная аварыя ў Гомелі

У цэнтры горада ў ДТЗ трапіла маршрутнае таксі. Два чалавекі пацярпелі. Як паведамілі нашаму агенцтву ў ДАІ, мікрааўтобус "пежо" рухаўся па вуліцы Савецкай. "Таёта" паварочвала на гэтую вуліцу. Машыны сутыкнуліся. Ад удару легкавушка перавярнулася і ўрэзалася ў слуп. Пацярпела яе вадзіцель. Дзяўчына атрымала пералом груднога аддзела пазваночніка і шпіталяваная. Таксама ў бальніцу трапіў пасажыр маршрутнага таксі. Але неўзабаве мужчына быў адпушчаны дамоў. Была інфармацыя аб трэцім пацярпелым, але ў ДАІ яе не пацвердзілі. Магчыма, чалавек адкараскаўся лёгкімі ўдарамі і да медыкаў не звяртаўся. Рух на гэтым раздарожжы рэгулюецца святлафорам. У ДАІ не выключаюць, што хтосьці ехаў на чырвоны сігнал.