У Беларусі з 9 жніўня ўзбуджана больш за 400 крымінальных спраў па фактах учынення злачынстваў, звязаных з парушэннем грамадскага парадку. Гэта заявіў генпракурор Андрэй Швед. Многія з гэтых спраў ужо на стадыі завяршэння папярэдняга расследавання. Вінаватыя асобы паўстануць перад судом. Што да іншых заяў грамадзян, то Беларусь - прававая дзяржава, і няма ніводнага факта, паведаміў Андрэй Швед, каб заява - паведамленне грамадзяніна аб учыненні ў адносінах да яго супрацьпраўных дзеянняў не была зарэгістравана і не разглядалася ў вызначаным парадку. Генпракурор адзначыў, што ёсць працэсуальныя тэрміны, усяму свой час, будуць прынятыя законныя рашэнні па кожным паведамленні. Ён таксама падкрэсліў, што трэба непрадузата і сумленна забяспечваць выкананне законаў усімі. Па словах Андрэя Шведа, сітуацыя ў краіне пад кантролем: агульная крымінальная злачыннасць зніжаецца, але разам з тым пракуроры адзначаюць некаторыя тэндэнцыі, што патрабуюць умяшання нагляднага ведамства. Адзначаецца радыкалізацыя пратэсных настрояў.
Адкрыўся абноўлены будынак пракуратуры Лепельскага раёна
Генеральны пракурор прыняў удзел у адкрыцці будынка пракуратуры Лепельскага раёна. За два з паловай месяцы тут правялі капітальны рамонт з тэрмарэнавацыяй сцен і поўнай заменай камунікацый. Зроблены пандусы і пад'ёмнікі для таго, каб у будынак маглі бесперашкодна трапіць людзі з абмежаванымі магчымасцямі. Андрэй Швед у падарунак калектыву для ажыццяўлення аператыўна-службовай дзейнасці перадаў аўтамабіль маркі Geely, а пракурору Лепельскага раёна Віталю Жыгімонту ўручыў пагоны саветніка юстыцыі ў сувязі з прысваеннем яму чарговага чыну.
