Гаварыць аб падазроных у злачынстве пакуль рана, заявіў сёння першы намеснік міністра ўнутраных спраў Іван Падгурскі. Нагадаем, у верасні 2016 года на ўскраіне Беразіно ў агні тушылі аўтамабіль. За рулём знаходзіўся прадпрымальнік Сяргей Мяцельскі. Мужчына быў застрэлены, а пасля машыну падпалілі. Тады крымінальную справу распачалі па артыкуле "Забойства".
Упраўленне ўнутраных спраў Мінскай вобласці падвяло сёння вынікі аператыўнай дзейнасці. Агульная колькасць злачынстваў знізілася, у рэгіёне не застаецца ніводнага нераскрытага забойства за мінулы год. З незаконнага абароту канфіскавана больш за сотню кілаграмаў наркотыкаў, таксама перакрыты 9 каналаў іх пастаўкі. Разам з тым, амаль у 2 разы ўзрасла колькасць злачынстваў у сферы высокіх тэхналогій.
