Пяцёра пацярпелых ад учарашняга ўрагану ўсё яшчэ застаюцца ў Мінскай клінічнай бальніцы хуткай дапамогі. Чацвёра з іх пад асаблівым назіраннем у аддзяленнях рэанімацыі - напярэдадні яны перанеслі аперацыі. Зараз жыццю пацыентаў нічога не пагражае.
Нагадаем, учора з траўмамі ў Мінскую клінічную бальніцу хуткай дапамогі звярнуліся 17 чалавек са сталіцы і прыгарада. Усе яны пацярпелі ад шыферу, які падаў з дахаў, і дрэў. Усяго ж за некалькі дзён разгулу стыхіі ў Беларусі пацярпелі 37 чалавек.
