Пашкоджаны ад непагадзі пантон у Жыткавіцкім раёне плануюць аднавіць на працягу дня. Як заявілі ў Мінабароны, прычынай здарэння стала рэзкая змена надвор'я: пайшоў лёд, і мацаванне моста знесла. Насельніцтва, якое зноў засталося без пераправы, апавясцілі СМС пра часовае спыненне працы пантона. З раніцы людзей на катарах з аднаго берага на іншы перавозяць ратавальнікі. Паромная пераправа для легкавых аўто ў Петрыкаўскім раёне пераведзеная на кругласутачны рэжым працы. Цяжкагрузы ідуць па рэспубліканскіх дарогах.
Нагадаем, пантонны мост у Жыткавіцкім раёне быў пабудаваны 10 снежня. Без яго, каб дабрацца з Жыткавіч у Тураў, трэба было ў аб'езд пераадольваць на 250 км больш. Пераправа часова замяніла стацыянарны аўтамабільны мост праз Прыпяць, які трэснуў. І сёння стала вядома, што ў Жыткавіцкім раёне да сярэдзіны сакавіка будзе пабудаваны часовы аб'язны мост праз Прыпяць. Зараз на двух берагах ракі дарожныя службы насыпаюць земляное палатно. Рух па металічнай зборна-разборнай канструкцыі будзе адкрыты для транспарту і для людзей. Неабходнасць гэтага будаўніцтва выкліканая тым, што пантонная пераправа не вытрымлівае крыгаходу.
