У Нясвіжы супрацоўнікам ДАІ, каб спыніць ліхача, прыйшлося пачаць пагоню. За гэты час вадзіцель трапіў у ДТЗ, выскачыў з машыны, а ўжо некіравальны аўтамабіль з'ехаў у кювет. Літаральна праз сто метраў інспектары нагналі ўцекача - ім апынуўся 24-гадовы мясцовы жыхар - ён быў цвярозым, а свае ўцёкі растлумачыў тым, што спалохаўся пакарання за высокую хуткасць.
Яўген Сачак, начальнік прэс-службы УУС Мінаблвыканкама:
"Патрульныя не маглі не звярнуць увагу на аўтамабіль "Опель-Астру", які пранёсся паблізу на высокай хуткасці. Інспектары пагналіся за ім. Практычна адразу вадзіцель урэзаўся ў лавачку і далей рухаўся з тэхнічнымі пашкоджаннямі".
У адносінах да затрыманага састаўлена некалькі пратаколаў. У тым ліку за невыкананне патрабаванняў аб спыненні, здзяйсненне ДТЗ і пакіданне месца аварыі. За перавышэнне хуткасці ён таксама заплаціць штраф.