Новыя падрабязнасці расследавання жорсткай расправы над маладой парай у Мінску на вуліцы Алібегава. Паводле версіі следства, літаральна напярэдадні трагедыі тыя ж двое, але ўжо ў Мінскім раёне збілі да смерці мужчыну. Меркавана, матывам стаў узнікшы канфлікт. Як у першым, так і ў другім выпадку падазроныя знаходзіліся ў стане алкагольнага ап'янення.
Юлія Ганчарова, афіцыйны прадстаўнік Следчага камітэта Беларусі: "Следства падчас работы з падазронымі таксама атрымала інфармацыю аб тым, што двое з падазроных маюць дачыненне да забойства, учыненага напярэдадні ў Мінскім раёне. Гэтае забойства таксама ўчынена з асаблівай жорсткасцю. Зараз вырашаецца пытанне аб злучэнні гэтых эпізодаў у адну крымінальную справу".
Што датычыцца расследавання двайнога забойства, вядома, што затрыманыя даюць сведчанні. Наколькі адэкватнымі былі дзеянні былой дзяўчыны загінуўшага, а таксама двух затрыманых мужчын - пакажа псіхолага-псіхіятрычная экспертыза.
