Па факце разбойнага нападу на ювелірны магазін у Мінску ўзбуджана крымінальная справа

17 Жніўня 2019

Гэта частка другая артыкула 207 "Разбой, учынены групай асоб". Рабаванне адбылося сёння каля паловы на дванаццатую. У гандлёвы пункт па вуліцы Кісялёва ўварваліся двое. Паведамляецца, што спачатку зламыснікі распылілі ў памяшканні пярцовы газ. 

Іван Кубракоў, начальнік галоўнага ўпраўлення ўнутраных спраў Мінскага гарвыканкама: "У ювелірны магазін зайшлі дзве неўсталяваныя асобы, звязалі прадаўцоў ювелірнага магазіна, выкралі ювелірныя вырабы. Арганізаваны мерапрыемствы па вышуку злачынцаў. У горадзе арыентаваны ўсе нарады, вядзецца пошук злачынцаў".

Паведамляецца, што цікавілі зламыснікаў пераважна залатыя вырабы. Наведвальнікаў у магазіне падчас рабавання не было.