Удзельнікі так званай каляфутбольнай групоўкі прысуджаныя да працяглых тэрмінаў зняволення. Па справе аб жорсткім збіванні двух мінчан асуджаныя 5 актыўных членаў нефармальнага моладзевага руху "Нававілка". Прадстаўнікі гэтага аб'яднання пазіцыянавалі сябе фанатамі футбольнага клуба "Дынама" (Мінск). Хоць, паводле дадзеных МУС, галоўнай мэтай іх існавання была прапаганда неанацызму. На фоне гэтага ў жніўні мінулага года і ўзнік канфлікт паміж лідарам групоўкі і маладымі людзьмі, якія падзяляюць антыфашысцкія погляды. Тады завадар "Нававілкі" і чацвёра яго памочнікаў жорстка з дапамогай біт і тэлескапічных дубінак збілі непрыяцеляў. Пасля затрымання сваю віну зламыснікі не прызнавалі. Вынік - 10 гадоў турмы для галоўнага завадатара бойкі і па 9 для яго саўдзельнікаў.
Пасля таго як да справы падключыліся аператыўнікі 5-га ўпраўлення ГУБАЗ, а завадары групоўкі апынуліся за кратамі - моладзевы рух "Нававілка" распаўся. Каля 50 членаў пакінулі шэрагі каляфутбольнай групоўкі. Некаторыя з іх адправіліся ў якасці наймітаў ва Украіну.
