Злоўжыванне службовымі паўнамоцтвамі і больш чым 20 мільёнаў рублёў урону. Новае (ўжо крымінальнае) адценне набыў скандал з будаўніцтвам дамоў у Мінску і выпускам жыллёвых аблігацый. Сёння стала вядома, што фінансавая міліцыя затрымала былога гендырэктара кампаніі "Тамбаз". Узбуджана крымінальная справа. Матэрыялы былі падрыхтаваныя пасля праверкі, якую правёў Камітэт дзяржкантролю і дэпартамент фінансавага маніторынгу. Экс-кіраўнік "Тамбаза" парушыў парадак выкарыстання грошай. У прыватнасці, грошы, выдзеленыя на будаўніцтва адных дамоў, былі накіраваныя на ўзвядзенне іншага шматпавярховага дома. Размова ідзе аб забудовах на Багдановіча - Амурскай - Тургенева - Тыражнай.
Зараз новае кіраўніцтва фірмы "Тамбаз" шукае грошы на дабудоўванне гэтых жылых дамоў без прыцягнення дадатковых сродкаў з боку ўладальнікаў чэкаў "Жыллё".
