Як нам паведамілі ў праваахоўных органах, два гады назад затрыманы праходзіў лячэнне ў псіхіятрычным дыспансеры. Малады чалавек раней судзімы не быў, выхоўваўся ў забяспечанай сям'і, зрэшты, шчаслівай назваць яе складана. Бацька з маці не жывуць разам, і, па сутнасці, выхаваннем дзіцяці не займаліся. Бацька жыве асобна ад сына ў Мінску, маці і сястра - за мяжой.
Рашэнне аб учыненні масавага забойства з асобай жорсткасцю малады чалавек прыняў даўно. У кастрычніку ён планаваў учыніць аналагічнае злачынства па месцы вучобы, аднак не давёў свой намер да канца - па прычынах, якія не залежалі ад яго. Сваю віну ў суботнім злачынстве 17-гадовы хлопец прызнаў. Матывам, паводле слоў затрыманага, паслужыла расчараванне ў самім сабе, агіда да чалавецтва, дэпрэсіўны настрой. Мэтай малады чалавек ставіў забойства як мага большага ліку людзей, і сам жадаў быць забітым пры затрыманні. Таксама, паводле інфармацыі праваахоўнікаў, затрыманы да палітызаваных і экстрэмісцкіх груповак не належыць.
Пацярпелая 46-гадовая жанчына застаецца ў аддзяленні рэанімацыі 10-й гарадской клінічнай бальніцы.
