На тэрыторыю дзіцячага садка ў Заводскім раёне зайшоў лось

15 Мая 2018

Незвычайны выклік паступіў сёння раніцай сталічным ратавальнікам. На тэрыторыю дзіцячага садка ў Заводскім раёне зайшоў лось. Пазней з'явілася інфармацыя, што жывёла памёрла. Ветэрынарная служба зафіксавала шматлікія траўмы, у тым ліку і галавы. Гэта не першы выпадак, калі дзікія жывёлы аказваюцца на вуліцах беларускіх гарадоў або правакуюць аварыі на трасах. Што прымушае буйных млекакормячых усё бліжэй падбірацца да чалавека? Уладзімір Каралёў задаўся гэтым пытаннем.

А палове шостай раніцы мінчане заўважылі лася, які гуляў па вуліцах мікрараёна Чыжоўка. Усю дарогу супрацоўнікі ДАІ, МНС і іншых ведамстваў суправаджалі звера. Калі той зайшоў на тэрыторыю дзіцячага садка, было прынята рашэнне ўвесці жывёле снатворнае.

Таццяна Шамянкова, начальнік аддзела Мінскага гарадскога камітэта прыродных рэсурсаў і аховы навакольнага асяроддзя: "Часам узнікаюць сітуацыі, калі ім неабходна дапамога, альбо калі гэтыя жывёлы могуць уяўляць пагрозу жыцця і здароўю грамадзян. У Мінску распараджэннем Мінгарвыканкама арганізавана работа пастаянна дзеючай камісіі. Як правіла, у такіх сітуацыях паступаюць паведамленні ў аператыўна-дзяжурную службу, сёння працавалі МНС. Лесапаркавая гаспадарка. МУС, "Фаўна горада". Пры паступленні такога паведамлення, старшынёй або яго намеснікам вызначаецца неабходнасць прысутнасці тых або іншых спецыялістаў, у залежнасці ад сітуацыі".

Звера ўсыпілі, ён быў дастаўлены на тэрыторыю прадпрыемства "Флора і фаўна", дзе медыкі павінны былі агледзець лася, падлячыць і адпусціць у лес. Але яго выратаваць не атрымалася. Ветэрынар канстатаваў смерць ад атрыманых траўм.

Адкуль яны ўзяліся - невядома, некаторыя крыніцы напісалі, што яго збіла машына. Як правіла, гуляць па горадзе - досыць стрэсавая сітуацыя для жывёлы.

У паніцы буйное млекакормячае можа нанесці сабе траўмы і калецтвы. Вось лось, перабягаючы аўтадарогу, на поўным ходзе ўразаецца ў плот.

А тут не паспявае перабегчы перад машынай.

Лось у горадзе - штогадовая з'ява, упэўніваюць нас прадстаўнікі сталічнага заапарка. У Мінскім раёне ўведзена забарона на паляванне, вось жывёлы і селяцца ўсё бліжэй і бліжэй да сталіцы, далей ад куль. Павелічэнне папуляцыі ласёў прымушае асобін шукаць сабе новы дом для жыцця. Экалогія ў Мінску ім, мабыць, па душы. Менавіта так гэты гаспадар вальера і трапіў у заапарк.

Аляўціна Цімашкова-Красоўская, вядучы заатэхнік Мінскага заапарка: "Гэты лось у нас ужо даўно, ён у нас з'явіўся выпадкова. Жыццё яго магло скончыцца. Ён прыйшоў у парк Чалюскінцаў. Два разы яго МНС выводзіла, але ён вяртаўся. Жывёла тэрытарыяльная. Ён вырашыў, што парк Чалюскінцаў - гэта яго тэрыторыя. І ўжо стаў нападаць на наведвальнікаў парку. Таму нас угаварылі яго прыняць. Супрацоўнікі прыносілі яму грыбы. Збіралі. Ён іх любіць. Гэта вельмі небяспечная жывёла, яна непрадказальная. Што для лася, што для чалавека сустрэча нічога добрага не нясе".

ДТЗ з удзелам звяроў, якія выпадкова выбеглі на дарогу, адбываюцца рэгулярна. Напярэдадні ў Кіраўскім раёне на трасе Мінск - Гомель з-за лася, які выпадкова выбег на дарогу, загінуў тытулаваны аўтагоншчык Гомельскай вобласці Юрый Семянчук. Ад удару машына ператварылася ў груду металу, а з трох чалавек, якія знаходзіліся ў салоне, выжыў толькі адзін.

Нашэсце ласёў - праблема не толькі Мінска. Вось лось ля пад'езда ў Гомелі сабраў цэлы двор суседзяў. Адны глядзелі на госця, другія жадалі трапіць дахаты.

Гэтага парушальніка мяжы заўважылі датчыкі руху і камера відэаназірання. Некалькі памарудзіўшы, лось уцёк у іншую краіну.

Зараз дзіцячы сад №79 працуе ў штатным рэжыме. Гэта значыць, што раніцай тут зноў будуць чутныя дзіцячыя галасы. У мікрараёне Чыжоўка, дзе і адбыўся інцыдэнт з ласём, хіба што нагадваюць зламаныя галінкі і прымятая трава. 


Папулярныя

Рэкамендуемыя

Зараз чытаюць

Рэкамендуемыя