Аматара лёгкай нажывы затрымалі супрацоўнікі аддзела па барацьбе з эканамічнымі злачынствамі Мінскага раёна. У поле зроку праваахоўнікаў патрапіў начальнік філіяла РУП "Мінскэнерга" Астрашыцка-Гарадоцкага раёна. Паводле звестак міліцыі, сваё службовае становішча менеджар выкарыстоўваў з выгадай для сябе. За спрыяльнае рашэнне пытанняў ён прасіў узнагароду ў грашовым эквіваленце. Пры сабе ў кіраўніка выяўленая тысяча долараў. Нібы грошы ён атрымаў за рашэнне праблемы, звязанай з пракладкай рэзервовага кабеля ад трансфарматарнай станцыі да кацельні аднаго з будынкаў у Мінскім раёне.
Юлія Лобач, прэс-афіцэр Мінскага РУУС: "У выніку правядзення комплексу аператыўна-вышуковых мерапрыемстваў супрацоўнікамі аддзела па барацьбе з эканамічнымі злачынствамі Мінскага раёна быў затрыманы начальнік Астрашыцка-Гарадоцкага раёна Мінскэнергасетак, які з выкарыстаннем сваіх службовых паўнамоцтваў за спрыяльнае рашэнне пытання атрымаў грашовыя сродкі памерам 1 000 долараў".
У дачыненні да затрыманага ўзбуджаная крымінальная справа за атрыманне хабару. Канфіскаваныя 2 аўтамабілі і арыштаваны зямельны ўчастак у Мінскім раёне, а таксама кватэра ў сталіцы. Праводзіцца далейшая праверка.
