Апошняя інфармацыя наконт ДТЗ з беларусамі ва Украіне. Сёння раніцай на трасе ў Нікалаеўскай вобласці сутыкнуліся мікрааўтобус і грузавы кран. Мы звязаліся з консулам пасольства Беларусі ва Украіне і ў яго ўсе падрабязнасці.
Уладзімір Чахлоў, старшы саветнік, консул пасольства Беларусі ва Украіне:
"Раніцай 4 кастрычніка ў пасольства паступіла інфармацыя аб дарожна-транспартным здарэнні, што адбылося каля 6 гадзін на 290-ым кіламетры трасы Кіеў - Адэса ў раёне горада Крывое Возера Нікалаеўскай вобласці. У выніку сутыкнення мікрааўтобуса "Мерседэс-Бенц" з беларускімі нумарамі з грузавіком-кранам, які рухаўся ў тым жа напрамку, пацярпелі 6 грамадзян Рэспублікі Беларусь. Усе яны зараз знаходзяцца ў цэнтральнай раённай бальніцы горада Крывое Возера Нікалаеўскай вобласці. Пасольствам у кантакце з кампетэнтнымі органамі Рэспублікі Беларусь і мясцовымі органамі Украіны праводзіцца работа па аказанні неабходнай дапамогі пацярпелым беларускім грамадзянам".
