Узбуджана крымінальная справа па факце знікнення Максіма Мархалюка. Ход пошукаў хлопчыка сёння асабіста пракаменціраваў кіраўнік Следчага камітэта. Па словах Івана Наскевіча, гэта звычайная працэдура праз дзесяць дзён пасля падачы заявы. І артыкул "Забойства" ў дадзеным выпадку пакуль беспадстаўны і амаральны. Зараз няма падставы быць упэўненым у тым, што хлопчыка забілі. Аднак не выключаецца ніводная версія таямнічага інцыдэнту. Зараз пераважае версія ненасільнага знікнення дзіцяці.
Іван Наскевіч, старшыня Следчага камітэта Беларусі: "Гэтае рашэнне прынята свядома. Я гавару пра тое, што справа ўзбуджана па факце знікнення, а не забойства. Мы прынялі рашэнне на аснове закона і маралі. На сённяшні дзень у нас няма ніякіх фактычных звестак аб тым, што дзіця стала ахвярай злачынства. Новых слядоў хлопчыка пакуль няма, за выключэннем тых, што былі выяўленыя ў першы дзень знікнення - кошык з грыбамі і веласіпед, таму і няма падстаў для ўзбуджэння крымінальнай справы па факце забойства".
Сёння СК разам з іншымі прадстаўнікамі сілавога блока, у тым ліку і расійскія калегі абмеркавалі і тэму раскрыцця злачынстваў мінулых гадоў. І хаця за апошнія гады колькасць так званых глухароў скарацілася ўдвая, але іх яшчэ дастаткова - каля 175-ці тысяч. Тры чвэрці з іх - крадзяжы плюс цяжкія і асабліва цяжкія злачынствы. Як падкрэсліў Іван Наскевіч, неабходна і надалей удасканальваць методыку працы ў гэтым напрамку.
