Інцыдэнт з нападзеннем на супрацоўніка ДАІ ў Пінску пракаменціраваў Міністр унутраных спраў Беларусі Ігар Шуневіч. Дзеянні супрацоўніка ён назваў цалкам абгрунтаванымі і адпаведнымі закону. Нагадаем, 26 жніўня паміж прахожым і супрацоўнікам ДПС завязалася бойка з-за паркоўкі аўтамабіля ў неналежным месцы.
Ігар Шуневіч, Міністр унутраных спраў Беларусі: "Я хацеў бы нагадаць, што ніхто не мае права ўмешвацца ў дзейнасць супрацоўніка органаў унутраных спраў. Гэта дзеянні, што караюцца законам. Мы будзем такія дзеянні спыняць усімі даступнымі спосабамі. Існуе парадак абскарджання такіх дзеянняў, які вядомы грамадзянам. Існуюць розныя наглядныя інстанцыі, якія могуць адкарэктаваць такія дзеянні і даць ацэнку ім, але ніхто не мае права ўмешвацца і тым больш перашкаджаць такой дзейнасці па навядзенні парадку ў краіне".
У дачыненні да жыхара Пінска ўзбуджана крымінальная справа па артыкуле "Насілле ў дачыненні да супрацоўніка органаў унутраных спраў". Яму пагражае да 6 гадоў пазбаўлення волі.
