Пад следства патрапілі кіраўнікі кампаніі пасажырскіх перавозак. Устаноўлена, што вадзіцелі маршрутак пры выдачы праязных білетаў не праводзілі выручку праз касавыя апараты. Быў і яшчэ адзін спосаб схаваць прыбытак: пасля рэйсаў з дапамогай спецыяльнага прыстасавання абнуляліся даныя касавых апаратаў. Такім чынам, за два гады было сэканомлена на падатках каля 200 000 рублёў. З моманту затрымання падазроныя пад вартай. З мэтай пакрыцця прычыненай шкоды на маёмасць і актывы затрыманых накладзены арышт.
Ларыса Пархімовіч, старшы памочнік пракурора Мінскай вобласці:
"Накладзены арышт на маёмасць фігурантаў крымінальнай справы і арганізацыі на суму не меней як 450 000 рублёў. У прыватнасці, накладзены арышт на два асабістыя аўтамабілі фігурантаў, сем аўтамабіляў маршрутных таксі, а таксама на маёмасць абвінавачаных па месцы іх жыхарства. Акрамя таго, накладзены арышт на разліковыя рахункі арганізацыі".
Вадзіцелі маршрутных таксі растлумачылі, што працаваць міма кас іх прымушалі кіраўнікі. За ўхіленне ад выплаты падаткаў падазроным можа пагражаць да сямі гадоў пазбаўлення волі.
