Следчы камітэт высвятляе прычыны гібелі двух чалавек у Бярозе. Там чадным газам атруціліся пажылая жанчына з сынам. Целы пенсіянеркі і яе 58-гадовага сваяка знайшоў напярэдадні вечарам сусед. У той момант у памяшканні адчуваўся пах газу. Медыкам заставалася толькі канстатаваць смерць жыхароў, яны ж перакрылі кран падачы бытавога газу да катла. Паводле інфармацыі СК, газавая калонка, прызначаная для падагравання вады, не эксплуатавалася.
Па гэтым факце на месца здарэння неадкладна выехала следча-аператыўная група. Узятая адпаведная дакументацыя аб праверцы абсталявання газавай службай гэтага дома. Вядома, што будынак газіфікаваны ў 1981 годзе, апошні раз тэхнічнае абслугоўванне праводзілася ў першым квартале 2015 года. Для высвятлення прычын смерці пенсіянеркі і яе сына, а таксама іншых акалічнасцяў здарэння прызначаныя адпаведныя экспертызы. Паводле папярэдняй версіі, прычынай смерці стала атручэнне газам у выніку няспраўнасці вентыляцыі газавага катла ацяплення.
