Лепшыя ўрачы Беларусі задзейнічаны ў аказанні дапамогі дзецям, пацярпелым у аварыі ў Камянецкім раёне. Сітуацыя на кантролі ў міністра аховы здароўя. Як мы паведамлялі, сёння раніцай здарылася спадарожнае сутыкненне мікрааўтобуса з пагрузчыкам. Загінула дзіця 2005 года нараджэння, яно знаходзілася на пярэднім пасажырскім сядзенні "рэно". У мікрааўтобусе ехалі дзеці з украінскай дзіцячай футбольнай каманды. Шасцёра былі дастаўлены ў Камянецкую раённую бальніцу. Адзін з іх у цяжкім стане - падключаны да апарата штучнай вентыляцыі лёгкіх, зараз яму праводзіцца аперацыя. Частку пацярпелых медыкі перавезлі ў Брэсцкую абласную бальніцу.
Юлія Барадун, прэс-сакратар Міністэрства аховы здароўя Беларусі: "Ва ўсіх пацярпелых дыягнаставаныя ЧМТ рознай ступені цяжкасці, пераломы і вывіхі. З Брэста ў Камянец прыбыла брыгада медыкаў, у яе складзе нейрахірург, траўматолаг, рэаніматолаг і іншыя спецыялісты. З Мінска ў Камянец таксама прыехалі спецыялісты - дзіцячы траўматолаг, нейрахірург, дзіцячы анестэзіёлаг-рэаніматолаг. Для вырашэння арганізацыйных пытанняў і правядзення кансультацый у Брэст прыбыў першы намеснік міністра аховы здароўя Дзмітрый Піневіч. Як будзе дадзены дазвол урачоў, астатнія двое таксама будуць пераведзены ў Брэсцкую абласную бальніцу".
На месцы аварыі працуе следча-аператыўная група. ДАІ высвятляе акалічнасці трагедыі.
