13 Лістапада 2017

Прама ў цэнтры горада лісіца пакусала 9 чалавек. Трое з іх - дзеці, самаму малодшаму - 4 гады.

Усе пацярпелыя - у бальніцы, ім аказана неабходная дапамога. Апошні напад звера адбыўся недалёка ад Мазырскага педуніверсітэта. Мясцовы жыхар не толькі адбіў атаку драпежніцы, але і змог яе нейтралізаваць. Паводле папярэдняй інфармацыі, ліса хварэла на шаленства. Праводзіцца праверка.

Наталля Цішкова, галоўны ўрач Мазырскай цэнтральнай гарадской паліклінікі: "Было дастаўлена тры чалавекі брыгадамі хуткай дапамогі і 6 чалавек звярнуліся самастойна. З укусамі ніжніх канечнасцяў. Усім аказана неабходная медыцынская дапамога, вядзецца назіранне. Зараз яны ўсе ў здавальняючым стане".

У залежнасці ад вынікаў экспертызы, будзе праводзіцца далейшае лячэнне пацярпелых, і прымацца меры па прадухіленні распаўсюджвання шаленства сярод хатніх жывёл.