Сёння ў судзе Фрунзенскага раёна Мінска аб’явілі прысуд. Аляксандр Мураўёў прызнаны вінаватым у махлярстве, крадзяжы і ўхіленні ад выплаты падаткаў. Таксама вінаватымі прызнаныя і астатнія фігуранты справы. Экс-дырэктар прадпрыемства Казімір Мароз прысуджаны да 5 гадоў абмежавання волі з канфіскацыяй маёмасці. Яго намеснік - Таццяна Лукавец - прызнала сваю віну ў службовай падробцы і была вызваленая ад пакарання па сканчэнні тэрміна даўнасці.
Крысціна Асран, старшы памочнік пракурора Фрунзенскага раёна г. Мінска: "Падчас судовага разгляду ўстаноўлена, што грашовыя сродкі сумай $20 млн у 2007-2012 гадах сапраўды былі залічаныя на рахункі Мотавела, аднак на працягу наступных некалькіх дзён пералічваліся на іншыя падкантрольныя абвінавачанаму фірмы. Такім чынам, мэты, прадугледжаныя бізнес-планам, дасягнутыя не былі. У 2012 годзе кампаніям, пакупнікам, інвестару даецца пра нібы поўнае выкананне дамовы куплі-продажу. Менавіта гэтая падробленая справаздача дазволіла падманным шляхам завалодаць акцыямі ААТ "Мотавела". Характэрна і тое, што на працягу месяца пасля разблакіроўкі акцыямі яны прадаюцца ад адной кампаніі абвінавачанай іншай аўстрыйскай кампаніі".
Бізнесмена Аляксандра Мураўёва затрымалі ўлетку 2015 года. Вядома, што адвакаты экс-уладальніка Мотавела збіраюцца абскардзіць прысуд. У абароны на гэта 10 дзён.
