Крэмы, памады, контурныя алоўкі, туш для павек. Брэсцкія мытнікі спынілі транзіт у пункце пропуску "Казловічы" элітнай жаночай касметыкі. Гэта самае буйное затрыманне сродкаў для макіяжа і догляду скуры за апошнія гады. Да пункта прызначэння не даехалі амаль 5 тысяч набораў элітнай касметыкі вытворчасці ЗША, Англіі і Францыі.
Алег Аліхвер, выконваючы абавязкі начальніка аддзела па барацьбе з кантрабандай і адміністрацыйнымі мытнымі правапарушэннямі Брэсцкай мытні:
"Падчас рэалізацыі атрыманай аператыўнай інфармацыі быў праведзены надгляд грузавога транспартнага сродку, які рухаўся з заяўленым грузам парфумерыі. Падчас надгляду было ўстаноўлена, што фактычна перамяшчаецца тавар, які не заяўлены ў таварасуправаджальных дакументах. Перамяшчаліся тавары рэдкай дарагой амерыканскай фірмы элітнай касметыкі. Кошт тавара, які быў не заяўлены, склаў больш як 22 млрд беларускіх рублёў".
У Мытні пачаўся адміністрацыйны працэс. Тавар канфіскаваны да высвятлення ўсіх акалічнасцяў перавозкі грузу.
