На знешнім кальцы МКАД - паміж з'ездамі на праспект Пераможцаў і вуліцу Ціміразева - сутыкнуліся тры аўтамабілі. Па крайняй правай паласе рухаўся "пежо", які пачаў перастройвацца ў сярэдні рад. Вадзіцель БМВ, які таксама рухаўся у другім радзе, не заўважыў "пежо". Пасля сутыкнення "пежо" вынесла ў крайні левы рад. А там у яго ўрэзалася "вольва". У выніку ДТЗ пацярпелі два чалавекі - вадзіцель і пасажыр французскага аўто. Вадзіцеля прыйшлося дэблакіраваць ратавальнікам.
І яшчэ дзве аварыі стварылі сур'ёзныя заторы на вуліцы Прытыцкага. На скрыжаванні з вуліцай Глебкі вадзіцель легкавога аўто выязджаў на чырвоны сігнал святлафора, дзе сутыкнуўся з мікрааўтобусам. Затым легкавушку адкінула на яшчэ адну машыну.
Канфлікт левага павароту стаў прычынай ДТЗ і на скрыжаванні вуліц Кунцаўшчына і Прытыцкага. Паводле папярэдніх звестак, сур'ёзна ў аварыях ніхто не пацярпеў.
