Стала дрэнна за рулём. Сёння ў Мінску на праспекце Жукава падчас руху памёр вадзіцель аўтамабіля. Ён паспеў спыніць машыну, аварыі не здарылася. Хуткую дапамогу выклікаў чалавек, які праязджаў міма і ўбачыў, што вадзіцель машыны на праезнай частцы сядзіць за рулём, апусціўшы галаву. Нягледзячы на ўсе намаганні медыкаў, выратаваць мужчыну не ўдалося. Праводзіцца праверка.
Аварыя і на вуліцы Сямашкі. Citroen пры павароце налева на зялёны не саступіў дарогу Peugeot, траўмы ў абодвух вадзіцеляў. У Peugeot у дзіцячых крэслах перавозілі 2 дзяцей. Пасля агляду медыкаў яны былі адпушчаныя.
