Узгаранне здарылася ў падвальным памяшканні пад'езда. Полымя ахапіла смецце і гаспадарчыя рэчы. Побач з месцам узгарання ратавальнікі знайшлі мужчыну ў непрытомным стане. Ён атруціўся дымам. Зараз пацярпелы шпіталізаваны.
Аляксандр Папко, афіцыйны прадстаўнік Мінскага гарадскога ўпраўлення МНС Беларусі: "Зараз асноўная версія ўзгарання - гэта запаленая свечка, з якой мужчына спусціўся ў склеп, бо там не было святла".
Канчатковую прычыну пажару назавуць спецыялісты пасля высвятлення акалічнасцяў здарэння.