Першы цыкл серый эксклюзіўнага дакументальнага праекта "Лёс гігантаў" быў прысвечаны найбуйнейшым прадпрыемствам  часоў СССР. У другім сезоне пад назвай "Гастраном" аўтары распавядалі пра адраджэнне савецкіх прадуктовых брэндаў. Далей эстафету падхапіў цыкл "Дзяржкіно" пра стварэнне навагодніх шэдэўраў савецкага кінематографа. А ў чацвёртым успаміналі пра ўтульнасць савецкіх кватэр, прадметы інтэр'еру, бытавую тэхніку і мэблю тых гадоў. 

У эпізодах новага, пятага сезона адлюстроўваюцца вынікі сацыяльна-эканамічных рэформаў, што праводзіліся ў краінах Усходняй Еўропы на працягу трох дзесяцігоддзяў. 

"У кожнай серыі ёсць свой адпраўны пункт, зразумелы гледачам: савецкія стол, гардэроб, аўтамабіль, цацка... Напрыклад, адштурхоўваючыся ад прадуктовага набору на стале, мы распавядаем, як развіваўся беларускі аграпрамысловы комплекс і чаму фермерам у суседніх краінах даплачваюць за тое, каб у іх на палях расло пустазелле. Менавіта мяккія рэформы, а не безаглядны пераход да рынку выбрала Беларусь. Што з гэтага выйшла, глядзіце ў нашым эфіры", - гаворыць аўтар ідэі Руслан Туркоў.