1 красавіка тэлеканал "Беларусь 1" і Агенцтва тэленавін Белтэлерадыёкампаніі прапануюць у эфіры першы выпуск новага праекта - аўтарскай аналітычнай праграмы аб палітыцы, якая будзе выходзіць у рамках "Панарамы". Хто будзе разважаць на самыя надзённыя палітычныя тэмы ў студыі "600 метраў" Белтэлерадыёкампаніі, стане вядома ўжо ў пятніцу. Зрэшты, гэтыя прозвішчы вядомыя ва ўсім свеце і кожны дзень гучаць у навінавых хроніках. Называцца праграма будзе "Макей і Лаўроў. Аб палітыцы".

Аператыўны аўтарскі каментарый на актуальныя падзеі, якія адбываюцца ў свеце, - менавіта такое азначэнне даюць новаму праекту яго аўтары. У цэнтры кожнага выпуску праграмы будзе абмеркаванне актуальнай тэмы з прыцягненнем экспертаў. Галоўнае - прыйсці да адзінага меркавання па пэўным пытанні.