"Гульні.by" у лёгкай і крэатыўнай форме дзённікаў распавядае пра падзеі кантынентальнага форуму. У рамках праекта чакаецца шмат інтэрактыву з гледачамі.

Назву праекта "Гульні.by" аўтары расшыфроўваюць не толькі як геалакацыю і напроста злучаюць з Беларуссю, але і адсылаюць лацінскімі літарамі B і Y да слогана ІІ Еўрапейскіх гульняў - Bright Year, Bright You! 

Вядучыя дзённікаў - карэспандэнты АТН Андрэй Казлоў, Іна Пілевіч, Станіслаў Ліпскі і Крысціна Камыш, Надзея Сербіненка і Ян Пашкевіч - расказваюць не толькі аб метрах, секундах і рэкордах. Пад кіраўніцтвам рэжысёра Марыі Жукавай яны пастараюцца максімальна паказаць закуліссе Гульняў-2019.

У рамках тэлеперадачы "Гульні.by"  праходзіць конкурс творчых работ "Удзельнічай у чэленджы “Гульні.by".