Пра кампанiю

Інфармацыйнае паведамленне 18 студзеня ў эфір тэлеканала "Беларусь 1" вяртаецца праект Агенцтва тэленавін "Клуб рэдактараў". У студыі Белтэлерадыёкампаніі будуць збірацца не толькі галоўныя рэдактары самых аўтарытэтных беларускіх СМІ, але і эксперты ў розных сферах, каб весці адкрыты дыялог без купюр пра самыя важныя і актуальныя грамадска-палітычныя падзеі ў краіне і свеце.

Прэс-рэліз Праект "Да спаткання", які стартаваў летась у лістападзе, стаў вялікім эксперыментам для творчай каманды тэлеканала "Беларусь 2". Гэта зусім новы для беларускага тэлебачання фармат забаўна-рамантычнага шоу, аднак, нягледзячы на юны эфірны ўзрост, ён паспеў выклікаць цікавасць у патэнцыяльных удзельнікаў і заслужыў адабрэнне гледачоў.

Прэс-рэліз Сёння вечарам у эфіры "Беларусь 1" Агенцтва тэленавін прапануе міжпраграмны іміджавы відэаролік, у якім карэспандэнты і вядучыя Белтэлерадыёкампаніі праверылі сваю загартоўку на трываласць і ўстойлівасць у суровых умовах надвор’я.

Прэс-рэліз Завяршылася беспрэцэдэнтная акцыя Агенцтва тэленавін Белтэлерадыёкампаніі "Дзед Мароз Online" - рэзідэнцыю Дзеда Мароза ў Белавежскай пушчы наведалі больш за 50 тысяч анлайн-турыстаў з розных куткоў планеты.

Інфармацыйнае паведамленне 18 студзеня ў эфір тэлеканала "Беларусь 1" вяртаецца праект Агенцтва тэленавін "Клуб рэдактараў". У студыі Белтэлерадыёкампаніі будуць збірацца не толькі галоўныя рэдактары самых аўтарытэтных беларускіх СМІ, але і эксперты ў розных сферах, каб весці адкрыты дыялог без купюр пра самыя важныя і актуальныя грамадска-палітычныя падзеі ў краіне і  свеце.

Прэс-рэліз 18 студзеня ў сталічнай Цэнтральнай бібліятэцы імя Янкі Купалы пройдзе сустрэча тэлегледачоў са здымачнай групай фальклорнага праекта "Жывая культура" тэлеканала "Беларусь 3". Вядучая Кацярына Ваданосава і творчая каманда праграмы аб'ездзілі з экспедыцыямі шмат вёсак, каб захаваць у кадры ўнікальныя нематэрыяльныя каштоўнасці гісторыка-культурнай спадчыны Беларусі, і зараз гатовыя падзяліцца вопытам і гісторыямі з іншымі.

Прэс-рэліз 18 студзеня заслужанаму артысту Рэспублікі Беларусь Аляксандру Саладуху споўніцца 60 гадоў, а 19 студзеня юбілей у народнай артысткі Беларусі Таццяны Мархель. У гэтыя дні сацыякультурны тэлеканал прапануе гледачам тэматычныя выпускі праекта "Майстры і куміры" з удзелам ганаровых імяніннікаў, а таксама музычную канцэртную праграму "Гэта шчасце.

Інфармацыйнае паведамленне  9 студзеня ў 21:45 тэлеканалы "Беларусь 1" і "Беларусь 24" пакажуць цырымонію ўручэння прэміі Прэзідэнта Рэспублікі Беларусь "За духоўнае адраджэнне" і спецыяльных прэмій Прэзідэнта Рэспублікі Беларусь дзеячам культуры і мастацтва.

Прэс-рэліз Да юбілею Міністэрства па надзвычайных сітуацыях Рэспублікі Беларусь і 20-га Дня ратавальніка, які адзначаюць у нашай краіне 19 студзеня, творчая каманда Белтэлерадыёкампаніі падрыхтавала хранікальна-дакументальную стужку "Тэрыторыя бяспекі".

Прэс-рэліз З 12 студзеня ў эфіры "Беларусь 1" навучэнцы 5-11 класаў з розных куткоў нашай краіны зноў паспрабуюць свае сілы ў шоу-віктарыне для ўсёй сям'і "Я ведаю!". У новым сезоне юных эрудытаў чакаюць яшчэ больш займальныя пытанні і крэатыўныя заданні.

Прэс-рэліз З 8 па 11 студзеня 2019 года гледачы тэлеканала "Беларусь 1" змогуць убачыць прэм'еру 4-серыйнага баёпіка "БССР. Невядомая гісторыя". Кожная серыя біяграфічнай дакументальнай драмы распавядзе аб людзях, якія ўдзельнічалі ў стварэнні дзяржавы, проціборнічалі паміж сабою, гінулі за ідэю, але пры гэтым былі звычайнымі людзьмі са шкоднымі звычкамі і маленькімі слабасцямі, памылкамі, страхамі і моцнымі пачуццямі.

Інфармацыйнае паведамленне  7 студзеня праваслаўныя вернікі ва ўсім свеце будуць сустракаць светлае свята Нараджэння Хрыстова. Тэлеканалы медыяхолдынга падораць гледачам эксклюзіўныя трансляцыі, тэматычныя выпускі любімых праграм, лепшыя канцэрты, калядныя фільмы і кінапрэм'еры.

Тэлеканал "Беларусь 5" у сераду, 2 студзеня, у прамым эфіры пакажа матчы з удзелам беларускіх тэнісістак на турнірах ВТА ў Шэньчжэне і Брысбене. У 09:00 па мінскім часе на цэнтральны корт Шэньчжэня выйдуць першая ракетка Беларусі Арына Сабаленка і прадстаўніца Расіі Кацярына Аляксандрава.

Прэс-рэліз Сёння ў 20:00 госцем праекта Агенцтва тэленавін "Макаёнка, 9" стане прэс-сакратар Прэзідэнта Беларусі Наталля Эйсмант. Вячэрняе шоу на "Беларусь 1" падрыхтавала самую эксклюзіўную інфармацыю пра Кіраўніка дзяржавы.

Прэс-рэліз Да зімовых святаў кожны імкнецца як мага лепш упрыгожыць свой дом і рабочае месца, каб стварыць навагодні настрой. Пах мандарынаў, яркая мішура і зялёная прыгажуня з бліскучымі цацкамі штогод ствараюць атмасферу чароўнай казкі.

Прэс-рэліз У кожнага свята сваё непаўторнае гучанне. Новы год, як правіла, напоўнены радасным громам феерверкаў, звонам бакалаў і цеплынёй віншаванняў, а яшчэ душэўнымі мелодыямі і галасамі любімых радыёвядучых

Дарагія сябры, нашы паважаныя тэлегледачы, радыёслухачы і інтэрнэт-карыстальнікі! Ад імя ўсіх супрацоўнікаў медыяхолдынга віншую вас з Раством і Новым годам! Напярэдадні цудоўных зімовых свят мы звычайна падводзім вынікі адыходзячага года і строім планы на будучыню.

Прэс-рэліз Міжнароднае радыё "Беларусь" Белтэлерадыёкампаніі наведалі першы намеснік дырэктара фонду "Дырэкцыя II Еўрапейскіх гульняў 2019 года" Анатоль Котаў і талісман кантынентальнага форуму Лесік, які зрабіў падарунак усім аматарам спорту і падоўжыў тэрмін прыёму фотаработ (сэлфі) на конкурс "Маё прывітанне II Еўрапейскім гульням" да 25 лютага 2019 года.

Прэс-рэліз З дня старту беспрэцэдэнтнай акцыі Агенцтва тэленавін Белтэлерадыёкампаніі "Дзед Мароз Online" прамую трансляцыю з Белавежскай пушчы паглядзелі ўжо больш за 20 тысяч чалавек.  Звесткі анлайн-праглядаў трансляцыі з рэзідэнцыі галоўнага беларускага Дзеда Мароза паказваюць стабільны рост аўдыторыі гледачоў, сярод якіх  карыстальнікі з Беларусі, Расіі, Літвы, Украіны, Польшчы, Германіі, Ізраіля, Грузіі, Малдовы і ЗША.

Прэс-рэліз Тэлеканал "Беларусь 1" і Агенцтва тэленавін Белтэлерадыёкампаніі падрыхтавалі спецыяльны навагодні праект "Галоўны эфір. Пункты адліку", які гледачы ўбачаць напярэдадні свята - 30 снежня. Упершыню ў гісторыі праграмы выязная студыя АТН размесціцца ў самым сэрцы беларускай сталіцы - ля Кастрычніцкай плошчы, дзе знаходзіцца галоўная ёлка краіны.

Нацыянальная дзяржаўная тэлерадыёкампанія Рэспублікі Беларусь сёння - гэта: 
- Тэлеканал "Беларусь 1";
- Тэлеканал "Беларусь 2";
- Тэлеканал "Беларусь 3";
- Тэлеканал "Беларусь 4";
- Тэлеканал "Беларусь 5";
- Тэлеканал "Беларусь 24";
- Тэлеканал "НТБ-Беларусь";
- Першы Нацыянальны канал Беларускага радыё;
- Радыёканал "Культура";
- Радыё "Беларусь;"
- Радыёстанцыя "Сталіца";
- Радыёстанцыя "Радыус FM";
- Пяць абласных тэлерадыёкампанiй.

Нацыянальнае тэлебачанне і радыё як неад'емная частка гісторыі і культуры краіны ўвабралі ў сябе такія ўласцівыя беларусам якасці, як адкрытасць, шчырасць, дружалюбнасць.

Галоўны тэлеканал краіны - "Беларусь 1" - гэта:
самая дакладная і аператыўная інфармацыя пра жыццё краіны, далёкага і блізкага замежжа;
больш за 100 кінапрэм'ер у новым сезоне, мастацкія фільмы самых розных жанраў і кірункаў, самыя скандальныя і папулярныя тэлесерыялы;
спорт высокіх дасягненняў, трансляцыі найбуйнейшых сусветных форумаў, эксклюзіўнасць спартыўнага прадукту.
Маючы багатыя традыцыі, "Беларусь 1" выкарыстоўвае самыя сучасныя тэхналогіі тэлевытворчасці, працягвае вывучаць, улічваць інтарэсы і запыты сваёй аўдыторыі, робіць усё, каб глядач, штораз уключаючы канал, адзначаў: "Гэта - "Беларусь 1"!

Тэлеканал "Беларусь 2" - пазнавальна-забаўны тэлеканал. "Беларусь 2" - сямейна-забаўны тэлеканал з акцэнтам на моладзевай аўдыторыі. Праграма перадач "Беларусь 2" змяшчае новыя забаўныя шоу і пазнавальныя праграмы, гумарыстычныя серыялы і скетч-шоу, кінапрэм’еры і шэдэўры сусветнага кінематографа, а таксама спорт вышэйшай пробы - Ліга чэмпіёнаў УЕФА, Ліга Еўропы УЕФА.

"Беларусь 2" - інтэрактыўны тэлеканал. Гледачы маюць магчымасць глядзець "Беларусь 2" у рэжыме анлайн і мець зносіны з творчай камандай кожнага праекта з дапамогай сацыяльных сетак, прымаць удзел у стварэнні якаснага кантэнту.


"Беларусь 3" - тэлеканал Нацыянальнай дзяржаўнай тэлерадыёкампаніі Рэспублікі Беларусь, яго мэта - забяспечыць асвятленне дзяржаўнай інфармацыйнай палітыкі ў галіне культурнага жыцця краіны. Місія тэлеканала - пазіцыянаванне культуры як сукупнасці матэрыяльных і інтэлектуальных каштоўнасцяў Рэспублікі Беларусь у сучасным медыяасяроддзі. Галоўная задача - даверная гутарка на тэмы культуры ў шырокім сэнсе слова.

"Беларусь 4" - рэгіянальны тэлеканал, канал з адзінай сеткай вяшчання, які з’яўляецца платформай для ўсіх абласцей краіны пад агульнай назвай "Беларусь 4" і выходзіць у кожнай з іх з указаннем рэгіёна: "Беларусь 4. Магілёў""Беларусь 4. Гомель""Беларусь 4. Віцебск""Беларусь 4. Гродна""Беларусь 4. Брэст"
Ідэя стварэння рэгіянальнага тэлеканала "Беларусь 4" належыць Белтэлерадыёкампаніі і падтрымана Міністэрствам інфармацыі і абласнымі выканкамамі. 

"Беларусь 5" - першы беларускі нацыянальны спартыўны дзяржаўны тэлеканал, які забяспечвае асвятленне дзяржаўнай інфармацыйнай палітыкі ў галіне спартыўнага жыцця Рэспублікі Беларусь. "Беларусь 5" - тэлеканал, які спрыяе фарміраванню здаровага ладу жыцця беларускага грамадства пры дапамозе сучасных медыйных рэсурсаў. Менавіта здаровы лад жыцця з'яўляецца адным з прыярытэтных кірункаў унутранай палітыкі нашай дзяржавы.
Місіяй тэлеканала з'яўляецца фарміраванне нацыянальнай самасвядомасці пры дапамозе прапаганды здаровага ладу жыцця, а таксама дасягненняў айчыннага спорту ў цэлым і асобных яго прадстаўнікоў у прыватнасці. Самыя цікавыя спартыўныя падзеі заўсёды можна ўбачыць на тэлеканале "Беларусь 5". Дырэкцыя спартыўнага тэлеканала "Беларусь 5" працуе для таго, каб спаборніцтвы з сусветных арэн з'явіліся на беларускіх тэлеэкранах.

"Беларусь 24"- гэта першы спадарожнікавы тэлеканал Республікі Беларусь, закліканы адлюстроўваць беларускія і замежныя палітычныя, сацыяльныя і культурныя рэаліі, прапаноўваючы замежным тэлегледачам аб`ектыўную інфармацыю аб найважнейшых падзеях у краіне и свеце. Гэта самыя свежыя навіны, актуальныя тэлепраекты і эксклюзіўны тэлепаказ.

Тэлеканал "НТБ-Беларусь" пачаў сваё вяшчанне 4 ліпеня 2006 г.
"НТБ-Беларусь" у сваім эфіры захоўвае лепшыя і любімыя многімі тэлегледачамі праграмы тэлеканала НТБ, такія як "Да бар'ера!", "Жаночы погляд", "Кватэрнае пытанне", "Прафесія - рэпарцёр", "Галоўны герой", "Рускія сенсацыі" і многія іншыя.
"НТБ-Беларусь" пры падборы фарматаў стараецца максімальна прытрымлівацца канцэпцыі тэлеканала НТБ. У эфіры будуць новыя прэм'ерныя серыялы, класіка сусветнага кіно і новыя прэм'ерныя фільмы.
"НТБ-Беларусь" дзякуючы сучаснаму лічбаваму вяшчальнаму абсталяванню і прафесіяналізму калектыву з годнасцю падтрымлівае ўзровень якасці вяшчання тэлеканала НТБ.

Візітная картка Беларускага радыё - Першы нацыянальны канал. У аснове вяшчальнай палітыкі - масавасць і даступнасць, велізарны аб'ём інфармацыі, аператыўнасць і актуальнасць. Канал вяшчае кругласутачна.
Першы Нацыянальны канал слухаюць больш як 80% насельніцтва краіны. Гэта - самы высокі рэйтынг сярод электронных СМІ.
Быць заўсёды сярод сваіх слухачоў, разам вырашаць важныя праблемы, цікава і з карысцю адпачываць абавязвае дэвіз самага папулярнага народнага радыё - "Будзем разам!".

Адным з прыярытэтаў новай вяшчальнай палітыкі Беларускага радыё з'яўляецца папулярызацыя нацыянальнай і сусветнай культуры. Гэтую задачу сёння паспяхова выконвае канал "Культура".
12 ліпеня 2003 года пачала працаваць новая радыёстанцыя "Радыус FM". Радыёстанцыя працуе для актыўнага насельніцтва краіны. На хвалях "Радыус FM" - сучасная музыка, свежыя навіны і карысная інфармацыя. Папулярныя дыджэі ствараюць добры настрой і дораць падарункі. "Радыус FM" у эфіры кругласутачна на ўсёй тэрыторыі Беларусі. Сайт - radiusfm.by.

Карыстаецца папулярнасцю ў слухачоў і радыёстанцыя "Сталіца". З моманту свайго нараджэння - 21 верасня 1998 года - радыё прытрымліваецца прынцыпу "Радыё "Сталіца" - наша радыё". Радыё "Сталіца" - дзяржаўная беларускамоўная радыёстанцыя, здольная канкурыраваць з дзеючымі недзяржаўнымі радыёстанцыямі. Штодня радыё "Сталіца" суправаджае вас 24 гадзіны на ультракароткіх хвалях - УКХ 72.89 і 105,1 Fm або ў рэжыме рэальнага часу ў Інтэрнэце, а з 18:00 да 19:00 па правадной сетцы (Мінск і Мінская вобласць).

Радыё "Беларусь" з'яўляецца структурным падраздзяленнем Нацыянальнай дзяржаўнай тэлерадыёкампаніі Рэспублікі Беларусь. Нашы пазыўныя на кароткіх хвалях гучаць у міжнародным эфіры з 11 мая 1962 года. На сённяшні дзень радыё вяшчае на 9 мовах. Першапачаткова перадачы былі толькі на беларускай мове, а ў 1998 годзе радыё пачулі на рускай і англійскай мовах. З 2006 года радыё пачало вяшчанне на польскай мове. З 2010 года ў эфір сталі выходзіць праграмы на французскай і іспанскай мовах, а ў 2012 - на кітайскай, з 2017 - на арабскай мове.
Радыё "Беларусь" - гэта крыніца аб'ектыўнай і поўнай інфармацыі пра падзеі ў нашай краіне ў эфіры і Інтэрнэце!

Белтэлерадыёкампанія - гэта структура, якая дынамічна развіваецца і з упэўненасцю глядзіць у будучыню.