У Белтэлерадыёкампаніі прайшоў дадатковы кастынг вядучых дзіцячага "Еўрабачання-2018"

18.09.2018

Інфармацыйнае паведамленне

У Белтэлерадыёкампаніі прайшоў дадатковы жывы кастынг прэтэндэнтаў на ролю вядучых дзіцячага "Еўрабачання-2018".

За магчымасць стаць рулявымі еўрапейскага музычнага форуму, які пройдзе ў Мінску 25 лістапада, змагаліся восем як маладых, так і масцітых вядучых. Прычым некаторыя з іх раней паказвалі сябе ўжывую прафесійнаму журы, другія ж рабілі гэта ўпершыню. Аднак усім ім трэба было выкласціся па поўнай, бо на кастынгу, апроч спецыялістаў Белтэлерадыёкампаніі, прысутнічаў і шоу-дырэктар дзіцячага "Еўрабачання-2018" Гордан Банела, які вельмі актыўна працаваў з кандыдатамі.

Кастынг вядучых дзіцячага Еўрабачання 2018

Дарэчы, на гэты раз сярод канкурсантаў былі вядучыя канала "Беларусь 1" Дзяніс Дудзінскі і Уладзімір Богдан, якія, нягледзячы на сваю папулярнасць у тэлегледачоў, знаходзяцца ў роўных умовах з іншымі прэтэндэнтамі, бо галоўныя крытэрыі для журы - гэта дасканалае веданне англійскай мовы, уменне працаваць на камеру, харызматычнасць і здольнасць імправізаваць.

Кастынг вядучых дзіцячага Еўрабачання 2018

"Мільёны тэлегледачоў павінны ўбачыць на сваіх экранах сапраўдную асобу, якая валодае энергіяй, азартам. Упэўненасць таксама адыгрывае вялікую ролю, таму нам патрэбныя кандыдаты з вопытам працы ў прамым эфіры", - адзначыў Гордан Банела.

Імёны вядучых дзіцячага "Еўрабачання-2018" стануць вядомыя пасля таго, як экспертная група праекта сумесна з ЕВС вывучыць відэазапісы ўсіх прэтэндэнтаў і вызначыць тых вядучых, якія найбольш гарманічна ўпісваюцца ў агульную канцэпцыю музычнага форуму. Перад шчасліўчыкамі будзе няпростая задача - працаваць на асноўнай сцэне для вялізнай аўдыторыі тэлегледачоў і паралельна размаўляць з удзельнікамі ў грын-руме.

Кастынг вядучых дзіцячага Еўрабачання 2018

Нагадаем, арганізатарам і каардынатарам усіх мерапрыемстваў дзіцячага "Еўрабачання-2018" выступае Нацыянальная дзяржаўная тэлерадыёкампанія Рэспублікі Беларусь як адзіны ў нашай краіне член Еўрапейскага Вяшчальнага Саюза (ЕВС).