Трансляцыя "Еўрабачання-2009" на Першым - абсалютны рэйтынгавы лідэр беларускага тэлеэфіру

20.05.2009

Прэс-рэліз    Самым папулярным тэлепраектам мінулага тыдня ў Беларусі стаў конкурс "Еўрабачанне-2009", які ўпершыню праводзіўся ў Маскве, і ўсе этапы якога трансляваліся ў прамым эфіры на Першым. Практычна палова беларускай тэлеаўдыторыі глядзела трансляцыі двух паўфіналаў і фіналу "Еўрабачання-2009".


Прэс-рэліз


Самым папулярным тэлепраектам мінулага тыдня ў Беларусі стаў конкурс "Еўрабачанне-2009", які ўпершыню праводзіўся ў Маскве, і ўсе этапы якога трансляваліся ў прамым эфіры на Першым. Практычна палова беларускай тэлеаўдыторыі глядзела трансляцыі двух паўфіналаў і фіналу "Еўрабачання-2009". Такія звесткі былі атрыманы падчас апытання, праведзенага аналітычным цэнтрам "ЕсооМ".
Конкурс "Еўрабачанне" ў Беларусі заўсёды карыстаўся папулярнасцю ў тэлегледача, аднак цікавасць да маскоўскага шоу была беспрэцэдэнтнай. Суботні паказ на Першым канале фіналу "Еўрабачання-2009" глядзела палова тэлевізійнай аўдыторыі краіны (доля 49,5% з рэйтынгам 10%).
Па Мінску гэтыя паказчыкі аказаліся яшчэ больш уражальнымі - доля 63% з рэйтынгам 16,5%! Гэта самыя вялікія лічбы за гісторыю паказу "Еўрабачання" ў Беларусі і наогул адна з самых высокіх доляў за апошнія гады ў тэлеэфіры.
Характэрна, што нават другі паўфінал конкурсу еўрапейскай песні без удзелу беларускага прадстаўніка, які трансляваўся на Першым у чацвер вечарам у такі ж позні час, сабраў вялізную тэлевізійную аўдыторыю, што не саступае паказчыкам трансляцыі першага паўфіналу.
Па краіне сном напярэдадні працоўнага дня ахвяравала амаль палова глядацкай аўдыторыі (доля 46% з рэйтынгам 8,7%), што аказалася вышэй за прагназуемыя паказчыкі. Па Мінску паказчыкі паўфіналу "Еўрабачання-2009" былі яшчэ вышэйшыя - доля 48,3% з рэйтынгам 9,5%.
Падчас даследаванняў большасць рэспандэнтаў паведамілі, што, акрамя надзей на прадстаўніка нашай краіны, цікавасць да конкурсу падтрымлівалася ўдзелам у паўфінале і фінале выхадца Беларусі Аляксандра Рыбака, які выступаў за Нарвегію, выступленнямі прадстаўнікоў краін-суседак - Украіны, Расіі, Літвы, Латвіі, Польшчы - і іншых краін, якія традыцыйна выклікалі цікавасць у беларусаў, а таксама самім месцам правядзення конкурсу, пастаноўкай і маштабам шоу.
Трэба адзначыць, што такія высокія паказчыкі тэлеглядзення супастаўныя толькі з самымі рэйтынгавымі спартыўнымі трансляцыямі ўзроўню чэмпіянатаў свету і Алімпіяд.
У апытанні па краіне прынялі ўдзел 1115 чалавек. Выбарка рэпрэзентуе насельніцтва Беларусі па поле, рэгіёне і памеры населенага пункта.