Тэлеканал "Беларусь 3" паказвае фільм "Пані Перамога рэжысёра Матыля"

17.04.2013

Прэс-рэлізУ суботу 20 красавіка ў 13:20 і ў 23:00 гледачы тэлеканала "Беларусь 3" убачаць дакументальны фільм ТРА "Саюз" "Пані Перамога рэжысёра Матыля". Уладзімір Матыль ствараў свае фільмы насуперак усім перашкодам, і просты глядач у момант улюбляўся ў іх.


Прэс-рэліз


У суботу 20 красавіка ў 13:20 і ў 23:00 гледачы тэлеканала "Беларусь 3" убачаць дакументальны фільм ТРА "Саюз" "Пані Перамога рэжысёра Матыля".
Уладзімір Матыль ствараў свае фільмы насуперак усім перашкодам, і просты глядач у момант улюбляўся ў іх. Мабыць, няма чалавека ў нашай краіне, які не глядзеў шмат разоў "Белае сонца пустыні", а карціна магла так і не трапіць на экраны, калі б не выпадковы збег акалічнасцяў. Другая стужка Уладзіміра Якаўлевіча - "Жэня, Жэнечка і кацюша" - праляжала больш за дзесяць гадоў на паліцы. Нават да "Зоркі чароўнага шчасця" ў чыноўнікаў з Дзяржкіно было шмат прэтэнзій. Чаму Уладзімір Матыль увесь час трапляў у няміласць?
У фільме "Пані Перамога рэжысёра Матыля" пра нашага знакамітага суайчынніка, ураджэнца Лепеля, і пра яго сям'ю будзе расказана шмат новага. Гэты фільм - дыялог рэжысёра з яго сябрамі-акцёрамі, партрэт мастака, які, у сваю чаргу, стаў партрэтам яго эпохі.
У праекце прынялі ўдзел сам рэжысёр Уладзімір Матыль, а таксама Марк Захараў, Станіслаў Садальскі, Ірына Купчанка, Ігар Касталеўскі, Анатоль Кузняцоў, Віталь Вульф.