Спорт на Першым Нацыянальным тэлеканале

28.07.2003

Інфармацыйны матэрыял, які атрымаў эксклюзіўныя правы трансляцыі гэтых спаборніцтваў. Жнівень падхоплівае ліпеньскую эстафету, калі аматары спорту з дапамогай галоўнага тэлеканала краіны хварэлі за нашу нацыянальную зборную па плаванні і радаваліся золату сусветнага чэмпіянату, якое заваявала Алена Попчанка.


Інфармацыйны матэрыял


, які атрымаў эксклюзіўныя правы трансляцыі гэтых спаборніцтваў. Жнівень падхоплівае ліпеньскую эстафету, калі аматары спорту з дапамогай галоўнага тэлеканала краіны хварэлі за нашу нацыянальную зборную па плаванні і радаваліся золату сусветнага чэмпіянату, якое заваявала Алена Попчанка.
Такім чынам, з 30 ліпеня па 3 жніўня мы будзем хварэць за прадстаўнікоў беларускага веласпорту. Чэмпіянат свету па трэку адбудзецца ў нямецкім Штутгарце. Ці здолее беларуска Наталля Цылінская дабавіць да звання чатырохразовай чэмпіёнкі свету яшчэ пару тытулаў? Вы зможаце на свае вочы назіраць за барацьбой нашай зоркі з суперніцамі з розных краін.
20 жніўня на экранах Першага Нацыянальнага тэлеканала з’явіцца застаўка чэмпіянату свету па спартыўнай гімнастыцы. У амерыканскім Анахайме (які, дарэчы, вядомы нам па нядаўніх трансляцыях фінальнай серыі Кубка Стэнлі) Івану Іванкову і яго калегам па зборнай давядзецца пацвярджаць сваё даволі высокае месца ў сусветнай гімнастычнай іерархіі. Рэпартажы з чэмпіянату свету па спартыўнай гімнастыцы на Першым Нацыянальным - з 20 па 25 жніўня.
Каралева спорту - лёгкая атлетыка - збірае сваіх падданых 23 жніўня ў сталіцы Францыі. Сярод удзельнікаў чэмпіянату свету (а гэта зборныя каля 200 краін свету) _ зборная лёгкаатлетаў Беларусі. Колькі медалёў будзе ў яе скарбонцы? Хто з нашых спартсменаў падымецца на п’едэстал? Можа, алімпійская чэмпіёнка Яніна Карольчык? А можа, адкрыццё гэтага сезона - Наталля Сафроннікава? Ці “выстрэліць” суперскачком Генадзь Мароз? Рэпартажы з Парыжа глядзіце з 23 па 31 жніўня. І, канечне, трымайце кулакі за нашых!
Кулакі спатрэбяцца балельшчыкам і падчас рэпартажаў з чэмпіянату свету па акадэмічнай грэблі. Ці стане італьянская вада шчаслівай для Кацярыны Карстэн? Ці атрымаюць чэмпіёнскія медалі іншыя беларускія экіпажы? Адказы на гэтыя пытанні аматары спорту знойдуць у рэпартажах з чэмпіянату свету з Італіі з 28 па 31 жніўня.
Зразумела, знойдуць сваё адлюстраванне на тэлеэкране і падзеі ўнутранага спартыўнага календара, у прыватнасці, матчы чэмпіянату краіны па футболе.
Не менш насычанай будзе і спартыўная тэлепраграма верасня.
Сапраўды, гэты месяц стане падарункам для аматараў футбола. Перш за ўсё, галоўны нацыянальны канал пакажа адборачныя матчы чэмпіянату Еўропы: Беларусь - Чэхія (06.09), Галандыя - Аўстрыя (06.09) і Малдова - Беларусь (10.09). Зразумела, балельшчыкам будзе цікава паглядзець на нашу зборную, якую павядзе “ў бой” новы галоўны трэнер.
16 верасня - знамянальная дата ў гісторыі спартыўнага вяшчання Беларускага тэлебачання. Першы Нацыянальны тэлеканал набыў правы на паказ на тэрыторыі Беларусі матчаў Лігі чэмпіёнаў. Мы станем сведкамі выдатных футбольных спектакляў у выкананні найлепшых клубаў Еўропы. 16 верасня Ліга бярэ старт. Не прапусціце!
Рэпартажы з футбольнага чэмпіянату краіны дапамогуць вам параўнаць узровень беларускіх клубаў з еўрапейскімі грандамі і, можа быць, і пасадзейнічаюць павышэнню папулярнасці сапраўды народнай гульні.
У вераснёўскай тэлепраграме з’явіцца і хакей: Першы Нацыянальны тэлеканал мяркуе паказаць некалькі гульняў чэмпіянату Беларусі.
Жамчужынай спартыўнага эфіру, напэўна, стануць рэпартажы з Венгрыі, з чэмпіянату свету па мастацкай гімнастыцы. Грацыі з Расіі, Украіны, Кітая, Балгарыі, Беларусі і дзесяткаў іншых краін падрыхтуюць да апошняга буйнога перадалімпійскага старту сапраўднае свята прыгажосці і майстэрства. Уключыўшы тэлевізар, вы станеце яго сведкамі.
Спартыўная экспансія на Першым Нацыянальным тэлеканале працягваецца!