Першы Нацыянальны канал гуляе ў футбол!

01.09.2003

Інфармацыйны матэрыял Віншуем пераможцаў!Паводле слоў Старшыні Белтэлерадыёкампаніі Ягора Рыбакова, у гэты дзень яму выпала няпростая роля: “Гулялі дзве нашы каманды. Таму хварэў за абедзве зборныя, да перапынку - за адных, пасля перапынку - за другіх.


Інфармацыйны матэрыял


Віншуем пераможцаў!
Паводле слоў Старшыні Белтэлерадыёкампаніі Ягора Рыбакова, у гэты дзень яму выпала няпростая роля: “Гулялі дзве нашы каманды. Таму хварэў за абедзве зборныя, да перапынку - за адных, пасля перапынку - за другіх. Лік, праўда, не зусім футбольны, але мне было цікава назіраць за гульнёй. А ў будучыні, вядома ж, буду хварэць за каманду Белтэлерадыёкампаніі”.
У цэлым таварыская сустрэча па футболе завяршылася агульнай перамогай адзінай каманды Белтэлерадыёкампаніі. Ва ўсіх ігракоў засталіся толькі самыя прыемныя ўражанні ад гульні з калегамі. Усе атрымалі зарад станоўчых эмоцый, энергіі і добрага настрою. “Мы не на лік гуляем, а на свой імідж, а таксама для задавальнення, - расказаў нам у перапынку паміж таймамі варатар каманды Уладзімір Максімкаў. - Гэта ў любым выпадку добрая трэніроўка для ўсёй каманды, найграюцца новыя цікавыя камбінацыі”. Паводле слоў паўабаронцы “Кампаніі” Сяргея Кухто, падчас такіх таварыскіх матчаў з’яўляецца унікальная магчымасць пазнаёміцца з калегамі з абласных тэлерадыёаб’яднанняў, прыгледзецца адзін да аднаго.
Наступнага матча доўга чакаць не прыйшлося. У суботу, 30-га жніўня, каманда Першага Нацыянальнага тэлеканала правяла таварыскую сустрэчу па футболе з камандай ветэранаў РУП “Беларуськалій”. Гульня адбылася на стадыёне “Шахцёр” у горадзе Салігорску і была прымеркавана да святкавання Дня шахцёра, які па традыцыі адзначаецца ў апошнюю нядзелю жніўня. Штогод у гэты час футбалісты Салігорска прымаюць у сябе зборныя з розных абласцей Беларусі, краін блізкага і далёкага замежжа.
У Дзень шахцёра ўдача па праве ўсміхнулася камандзе “Беларуськалій”.
Ва ўпартай барацьбе футбалісты Першага Нацыянальнага тэлеканала ўступілі гаспадарам поля з лікам 2:0. Але гэта не азмрочыла настрою ігракоў “Кампаніі”, яны засталіся задаволеныя гульнёй.
Нагадаем, што каманда “Кампанія” была створана вясной гэтага года з мэтай прапаганды здаровага ладу жыцця, а таксама фарміравання ўнутрыкарпаратыўнай культуры і партнёрскіх адносін паміж супрацоўнікамі. Яна будзе ўдзельнічаць у турнірах, праводзіць таварыскія і афіцыйныя сустрэчы з аматарскімі камандамі Мінска і іншых гарадоў Беларусі, а таксама замежных кампаній. Будзем спадзявацца, што футбольную каманду Першага Нацыянальнага тэлеканала ў будучыні чакае мноства цікавых матчаў і яркіх перамог.