Новы праект Першага канала стане "Месцам сустрэчы" з добрым настроем

28.04.2011

Прэс-рэліз    7 мая ў вячэрнім эфіры Першага стартуе музычна-забаўляльны праект "Месца сустрэчы". Новае вялікае шоу, якое будзе выходзіць па суботах, прадоўжыць вясновы цыкл прэм'ер канала. Гледачоў Першага чакаюць сустрэчы з вядомымі беларускімі, расійскімі і ўкраінскімі артыстамі, а таксама акцёрамі, спартсменамі, палітыкамі і іншымі публічнымі персонамі.


Прэс-рэліз


7 мая ў вячэрнім эфіры Першага стартуе музычна-забаўляльны праект "Месца сустрэчы". Новае вялікае шоу, якое будзе выходзіць па суботах, прадоўжыць вясновы цыкл прэм'ер канала. Гледачоў Першага чакаюць сустрэчы з вядомымі беларускімі, расійскімі і ўкраінскімі артыстамі, а таксама акцёрамі, спартсменамі, палітыкамі і іншымі публічнымі персонамі.
Галоўнымі памочнікамі ў стварэнні добрага настрою стануць вядучыя - Дзяніс Дудзінскі і Вольга Рыжыкава, вядомыя сваім выключна пазітыўным стаўленнем да жыцця.
У вясенне-летнім сезоне прымуць удзел самыя вядомыя айчынныя выканаўцы і госці - артысты розных пакаленняў: Ганна Семяновіч, Валерый Сюткін, Аляксандр Іваноў і група "Ронда", Паліна Гагарына, ВІА "Сіняя птушка", Сасо Паўліяшвілі, Алена Цярлеева, група "Кар-Мэн" і іншыя.
Шлягеры мінулых гадоў, хіты сённяшняга дня, прэм'еры песень, спецыяльныя нумары і нечаканыя дуэты, дэкарацыі, святло, гук - усё для таго, каб стварыць 100% пазітыўную праграму, бо суботнім вечарам у кожнага павінен быць добры настрой.
Некаторыя выпускі будуць тэматычнымі: прэм'ера вялікага вячэрняга шоу будзе прымеркавана да Дня работнікаў радыё, тэлебачання і сувязі. Чакаюць гледачоў і бенефісы нашых упадабаных артыстаў.
Музычна-забаўляльны праект "Месца сустрэчы" будзе выходзіць па суботах у вячэрнім эфіры Першага.