"ЛАД" прапануе прэм'еру аргенцінскай меладрамы "Ты - маё жыццё"

05.01.2011

Прэс-рэліз10 студзеня ў вячэрнім эфіры тэлеканал "ЛАД" прапануе прэм'еру 230-серыйнай меладрамы "Ты маё жыццё" (Аргенціна, 2006), галоўныя ролі ў якой выканаў упадабаны ўсімі прыхільнікамі серыялаў дуэт - Наталля Арэйра і Факунда Арана.


Прэс-рэліз


10 студзеня ў вячэрнім эфіры тэлеканал "ЛАД" прапануе прэм'еру 230-серыйнай меладрамы "Ты маё жыццё" (Аргенціна, 2006), галоўныя ролі ў якой выканаў упадабаны ўсімі прыхільнікамі серыялаў дуэт - Наталля Арэйра і Факунда Арана.
Ён - Марцін Кесада, паспяховы бізнесмен, уладальнік будаўнічага гіганта, які дастаўся яму ў спадчыну ад бацькі, удавец, у мінулым - аўтагоншчык, чэмпіён "Формулы-1".
Яна - Эсперанса Муньёс па мянушцы Маніта, дзяўчына з беднага квартала, якая вырасла без бацькоў і зарабляе на жыццё ўдзелам у прафесійных баксёрскіх баях. Здавалася б, жыццёвыя шляхі кожнага з іх вядомыя наперад і не павінны перасекчыся, але лёсу і аўтарам серыяла было заўгодна звесці іх разам.
Серыял "Ты - маё жыццё" - гэта гісторыя пра рамантычнае каханне дзвюх моцных асоб. Ім трэба пераадолець вялізную колькасць перашкод на шляху да шчасця, выпрабаваць адно аднаго, разбурыць падкопы зайздроснікаў, пазнаць сябе. Як і адпавядае жанру, серыял "Ты - маё жыццё" напоўнены кіпеннем сапраўды лацінаамерыканскага запалу. Каханне і пагарда, надзеі і апаскі, супярэчнасці, якія здаюцца невырашальнымі і робяць яго сапраўды годным увагі.
У Аргенціне серыял "Ты - маё жыццё" стаў не проста паспяховым, а мегапаспяховым, апярэдзіўшы па папулярнасці ўсе астатнія серыялы. І поспех быў цалкам прадказальны яшчэ да прэм'еры, бо гарантыяй паслужылі цікавыя вобразы герояў: галоўная гераіня ў баксёрскіх пальчатках з агнём у вачах і яе ўмілаваны - прынц сучаснага свету, багаты, паспяховы, які любіць экстрэмальны спорт і ціхае шчасце. Больш цікавы дуэт прыдумаць складана, тым больш што ў галоўных ролях - упадабаны ўсім светам дуэт - Наталля Арэйра і Факунда Арана. Зоркі серыяла "Дзікі анёл" ізноў разам і, як паказалі рэйтынгі, вяртанне прайшло больш чым паспяхова. Гледачам спадабалася гэта пара і адчуванне лёгкай інтрыгі. Для забаўляльнага серыяла гэта лепшая атмасфера. Цудоўнае каханне, якому ўсяляк спрабуюць перашкодзіць сябар Маніты і нявеста Марціна. Іх падкопы часам смешныя, часам выклікаюць сапраўдную злосць. Але самае галоўнае - Маніта і Марцін усё роўна будуць разам.
Гэтая аргенцінская тэленавела з поспехам прайшла ў шматлікіх краінах, уключаючы Расію, Венгрыю, Грэцыю, Чэхію, Румынію... У самой Аргенціне серыял па-ранейшаму застаецца вельмі папулярным.
Серыял "Ты - маё жыццё" будзе дэманстравацца ў вячэрнім эфіры тэлеканала "ЛАД" па буднях.